Transcription
1
Monseigneur, nous estant survenu quelque chose de
2
noveau, vous ay tousjours donné advis par troys ou quatre
3
des mienes et mesmes de present ay bien volleu vous
4
faire entendre comme les rebelles de Freyssinière mardy
5
dernier passé vindrent à La Roche où breuslarent leglise
6
et prindrent deux prebstres, lesquelz menarent audit
7
Freyssinière et sur le grand chemin tuarent troys
8
ou quatre hommes passans, entre lesquelz y estoyt
9
ung de Guylhestre venant de Grenoble, portant quelque
10
pacquet, et tachent en toute fasson de nous fermer
11
ce passage. Ceulx de Chorges sont encores là en
12
partie, se y estans parqués, feysant le bruict quilz
13
attandent les forces et quelque piècce dartilherie
14
quilz prethendent admener pour nous venir assieger.
15
dimanche dernière de leur cavallerie environ deux
16
centz partirent dudit Chorges, passans vers le
17
Chansaul, ne sachant que fin ilz ont faict. La
18
Ferrière qui conduict lanfanctarie sen partit dudit
19
Chorges mardy dernier et sen alla à Sygoyer près
20
de Tallard pour querir quelque trouppe de Provensaulx
21
que estiont là arrivés, conduictz par un nomé
22
Stablon d’Anprées de Digne. Jey faict remetre
23
dans la ville la plus part des avivres de nous
24
villages, à quoy lon continue de jour en jour. Et
25
nayant aultre chose de noveau à presant que merite
26
vous escripre, apprès vous avoyr beysé les maiens,
27
finirey la presente daussy bon ceur que prie Dieu,
28
monseigneur, vous donner en parfaicte saincté longue et
29
hereuse vie. D’Embrun, ce XIXe febvrier 1574.
30
Votre humble serviteur
31
Ade Rame.